Plantun de Prouvènço

Pèr coumpara dos planto d'encò nostre

Medicago lupulina & Stellaria media

Tréuloun

Medicago lupulina

Fabaceae Leguminosae

Autre noum : Tréuroun.

Noms en français : Lupuline, Minette.

Descripcioun :
Planto que s'estiro au sòu, proun pelouso que li flour di pichoto soun agroupado e fan de tèsto jauno. Li fueio, coumpausado de fueioun sèmblon à-n-aquéli dóu tréule. Li fru soun pas jamai espinous e vènon negre emé l'age.

Usanço :
Li jouìni fueio e li flour se manjon en ensalado o cuecho. E peréu pèr li grano, manjado crudo vo roustido. Lou tréuloun èi vertuous contro li mau de vèntre, pèr caga e pissa. Caup tambèn d'estrougèno que podon ajuda pèr li femo en pauso-mestruo .

Port : Erbo
Taio : Pancaro entresigna
Fueio : coumpausado
Tipe bioulougico : Pancaro entresigna
Cicle bioulougico : Pancaro entresigna

Gènre : Medicago
Famiho : Fabaceae
Famiho classico : Leguminosae

Coulour de la flour : Jauno
Petalo : irreguliero
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Champ
Estànci : Pancaro entresigna
Couroulougi : Pancaro entresigna
Ref. sc. : Medicago lupulina L., 1753

Mourihoun

Stellaria media

Caryophyllaceae

Àutri noum : Paparudo, Trisseto, Esteleto, Bourassou.

Noms en français : Mouron des oiseaux, Morgeline.

Descripcioun :
Erbo basso coumuno à mita couchado que fai de pichòti flour blanco que sèmblon d'estello. Li petalo soun fendasclado sus quàsi touto la loungour, li fueio soun un pau pounchudo, óupousado, aquéli d'en bas emé un pecoui au contro de li d'en aut.

Usanço :
Maugrat que caup un pau de sapounino lou mourihoun pòu rintra dins l'ensalado champanelo. Pamens vau mies lou culi quouro flouris pèr pas s'engana emé lou mouroun rouge (o blu), Anagalis arvensis, qu'èi bèn mai dangeirous (caup de ciclamino). Lou mourihoun èi vertuous contro li proublèmo de pèu e ajudo à lucha contro li mau d'os e mai encaro.